【 林鄭Call記者開04之九唔搭八 】
⚠️⚠️有線新聞足本Live片段：http://bit.ly/2XChnwP
要上一世做幾多壞事，先會落得今世做2019年的香港人？
七一有假冇得放，去港島遊行曝曬數小時，終於行完食埋飯返到屋企攤喺度已經凌晨12點遇着警方清場，睇完兩點打算沖涼，搞得嚟都凌晨三點準備上床瞓覺，林鄭突然急Call全世界04:00am在警總開記招。
全程十級黑面，應答的不答，講來講去三幅被，完美示範何謂九唔搭八，在場記者聽得出有少少激動有少少躁底，爆Seed追問，多次疊聲：「點解有三個人自殺你唔回應？你覺唔覺得天堂仲會留個位畀你？覺唔覺得自己會落地獄？有冇諗過點解啲年青人要視死如歸？林太可唔可以回應，搞到今日咁嘅局面係咪因為你哋唔聽回應呀？！」隔住個芒都Feel到班記者在現場有多激動。
可惜上述所有問題基本上一條冇答過，林太講完轉身就走，我只記得佢話：「七一去現場同示威者對話冇幫助！」如果這樣不叫傲慢，如果這樣不叫擺官威，我食本字典落肚，唯一可以肯定，香港人跟她活在兩個時空，而林鄭從不打算溝通。
（02072019）
#游大東 #游大東影視筆記 #林鄭月娥 #反送中 #七一遊行 #逃犯條例 #now新聞台 #九唔搭八
Search